أُغنیّة مکّار
أحس گلبک کلانه ولمهانه
بألف خل إلشرانه ولمهانه
مکر حبّک خیانه ولمهانه
تروح إو ترد مرجوعک هلیّه
...
مأجّن بیک مکّار ، مکّار
مثل مکر إلسراب إلیروی إلمار ، مکّار
ما عندک صدگ بس تحمل أفکار ،مکّار
مکّار
...
خذت گلبی ودیعه ، و إذا تخسر تبیعه
إمبیّن کرهک إویای ، کل حبّک خدیعه
تراوینی ذهب و إتبایع إحجار ، مکّار
ما عندک وفه ، و إبگلبک أسرار
مکّار، مکّار
...
إنتهینه إو ما أحاچیک ، تون و إتنوح أخلّیک
تکذب و إلکذب عار ، ترکتک ما أمر بیک
شسومک بإلغلاء ما تسوا دولار ، مکّار
بعد ما أریدن أنا أتحمّلک عار ، مکّار ، مکّار
...
مرید أسمع عتابک ، إو یذکّرنی إبعذابک
کافی تبچی و إتنوح ، تشرّبنی إبسرابک
لتگلّی أحبّنک ، حب کاذب شفت لا تنشر أخبار
مکّار، مکّار
...
بعد خلصانه ویّاک ، إو حط إصورّک إحذاک
خلهن ذکره بإلدار ، إمودّع و أللّه یبلاک
لتواعد أزورنّک ، تشوف إلخلگ لا تبلینی بأنظار
مکّار، مکّار
...
إبسجن گلبی إو خذیته ، إو حبّک جرّبیته
لتطمّعنی تنهار ، مثل یوسف بلیته
أنت إلدبّرتهه ، إو تشعل إلنار ، مکّار، مکّار
...
مکرک ماله تالی ، بگه قصّه إبخیالی
إبکل لحظه و أمر بیه ، مرمرنی إبدلالی
گلبک مشتهیهه ، إو حگّه یحتار ، مکّار، مکّار
...
حب دمّرته و إتروح ، هیچی إتجازی إلروح
یا وسفه أمّنت بیک ، شباب إو گلبی مجروح
إکتبه إبذکریاتک ، و إلسده إو صار ، مکّار، مکّار
...
خل إلشمّات یدرون ، و إلبیتک یمرّون
عیش إویاهم إو شوف ، إبفرد لحظه یخونون
فکّر زین یهوای ، إشتظن مرقد عشگنه إتطوفه زوّار
مکّار ، مکّار
...
ما أریدک تجی و إتضیف خطّار ، مکّار
شفت موکب عشگنه بیدک إنهار ، مکّار ،مکّار
...
مأجّن بیک مکّار ، مکّار
مثل مکر إلسراب إلیروی إلمار ، مکّار
ما عندک صدگ بس تحمل أفکار ،مکّار
مکّار
...
جاسم ثعلبی ألحسّانی 01/03/1401
:: بازدید از این مطلب : 1088
|
امتیاز مطلب : 27
|
تعداد امتیازدهندگان : 6
|
مجموع امتیاز : 6
عضو شوید
عضویت سریع
آمار مطالب
آمار بازدید
