انغدرت او تابعت حدوک ورمشاک
امتحنتک تسرق ابعینک ورمشاک
تفخ گلبی ابقهر منّک ورمشاک
ولک یا ورم ضیمک عم علیّه
...
یون طوری ابطن هوری بلامای
او نزف دمعه اعلی خد شطّه بلامای
الحچیت انتهم وان ساکت بالامای
انکتلت امن القهر بالهم و اذیّه
...
ثگل جدمی او کثر شیبی من الهم
الصبر جرعیته ما یرهم من الهم
عذابی او لوعة اعیالی من الهم
ایتمنونی ادگ و الطم بدیّه
...
الوکت بجیوشه حادانی ولمنی
غدرنی او کسّر اعضامی ولمنی
اعلی حگی او ما رحم حالی ولمنی
لبس ثوب الخزی او شچ رمحه بیّه
...
اختفه بیت الشعر بالبر ولامر
ولا رهّم درب معبر ولا مر
اشو طیر السعد ما فر ولا مر
ابحیاتی او ردت اشوفه ایگر علیّه
...
ابن نوح العصی اسلافه شرکبه
و الما طاوع حکم ربّه شرکبه
الترک اصله او تبع غیره شرکبه
غبی او تابع صهیل الشر غبیّه
...
جاسم ثعلبی (الحسّانی) 15/12/1399
:: بازدید از این مطلب : 1685
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
