ابوذیّات غرام النائمات
شوگک فلّش ابگلبی وعنبای
غزال او بس الک روضی و عنبای
غیرک ما اجد صادق وعنبای
انا مو ذئب کل یوم ابنویّه
...
نهل جسمی او بعد بحری وباری
مریض او جالس ابداری وباری
اظن یوصل خبر موتی وباری
الذمّه الچنت شایف منّه اذیّه
...
معانات الحسین ابتدت والحر
اعلی ناسی او طالبت کل بشر والحر
الکرونا و العطش والجوع و الحر
انتشر بدیارنه الچانت زهیّه
...
نسونی او حیف احس ربعی ولاخال
لأن ما ضمّد اجروحی ولاخال
بعد ما امن ابن العم ولاخال
ولا خاله او اخت وابن اخت لیّه
...
الخطف ذوقک بلاک او شاک یهلاک
الحب نیران دوم اذاک یهلاک
الغرام اذ کان نص اشفاک یهلاک
یجبرک کل وکت تنشد علیّه
...
الیحب مو بالعناده یشب لارد
عسا گلب الیودّک حرگ لارد
اذا ما اشوف منّک خبر لارد
چذب ما اصدّگ انت اتحن علیّه
...
حبیبی الیوم احب القاک وشفاک
احس بالمرض خل بالهاک بشفاک
یحفظک ربّی من کل الم واشفاک
الدرب ملغوم و انت اتعن علیّه
...
الیشیخ امعرّب ابترحاب براد
ابحرف الشین شاطر کون براد
ابحرف الیاء وفی ابمعروف براد
ابحرف الخاء اجل خادم خویّه
...
الحبر بالقلم شانی منبرانی
الظلم ضرنی و اعانی منبرانی
نطرت اسنین اتانی منبرانی
ابرعید افطر فگع ثار البریّه
...
جاسم ثعلبی (الحسّانی) 10/05/1400
:: بازدید از این مطلب : 2514
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
