ثوب العرس
اذا انت تهم ابلمسه تحثر بیک
احس انه ابوجودک لعبه مخفیّه
دویت ابنار لا تلسعنی بالنچبات
حطیتک ابگلبی او هالخنت بیّه
مثل دگ الگلب دگ الوکت ویّای
امعرّس بالثنیّه اویاک یومیّه
یوم اترید بارد یوم تشرب حار
اتحیّرت ابدلالک و اببلاویّه
حطیتک علی اچتافی او رحت بدّای
او فاضحنی ابغرامک زرته لیلیّه
ماکو مستحی لا صدقه لا جیران
تطرب للجفاک اتبث تهانیّه
امحزّم للّغاوی او ترعش او تختاض
ثوب العرس شرّمته ابتراچیّه
نهیتک ما تجوز اتکرر الغلطات
متعافی الهواک اتدگ له چوبیّه
گرّبتک علیّه او بالگلب سکنیت
بستانک ذبل طمّک مجاریّه
نوبه اتطیر نوبه اتحط علی الطیفان
نوبه اتنوح نوبه اتدزلی تعزیّه
ما اعرفک شجی لو عاقل او مجنون
محتار ابعشرتک ماهی شعبیه
وین الگه القرار البعته امس بالسوگ
مدفون ابشبابک عتبه منسیّه
ملّیت او تعبت اویاک عرکه ابللیل
تحرّم لی ابحلالی ابهجمه عربیّه
حط ایدی اعلی راسک خلهه تنبض ذوق
تشوف ابعز خیالک فرحه معنیّه
بالک تنکر الطیب الدفعته اویاک
و اتشیّع کلامی او تلبد ابفیّه
شاعر الشعبی : جاسم ثعلبی (الحسّانی) 14/06/1399
:: بازدید از این مطلب : 1292
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
