شکوه و حکایه
حسن لاوین هل مده ، شبابی طاف و اتعده
ذکرتک والعمر خلصان ، حفنت مای واتبده
ذکرتک وانت ناسینی ، جاوب یا بعد عینی
اتّصل ما ترفع النقال ، شنهی السبب حاچینی
عمر ویاک گذرته ، النجم بعیونی سهّرته
متی نلتقی آنه او اویاک ، الگلب برجاک دمّرته
صبغت اللحیه واتحنیت ، و علی راسی صبغ حطیت
وین ایامنه الحلوه ، ولک مد الدهر تعبیت
ربّیت او گعدت اگعود ، او حطمنی ابو اعیون السود
شفت یا ما شفت کل ضیم ، بتاتاً للعشگ ما اعود
رکضت ایامی والیالی ، علیک انشلع دلالی
ادور وانشد العربان ، ما ضل حال عن حالی
ما ادری الوکت خوّان ، و ابلانی ابثلث نسوان
اندعیت او حطمانی اهوای ، او کسروا شوکتی الصدقان
کثّرت الاسود اهوای ، احس بلکبر عصی احذای
لمّا فرّوا ابتقرید ، حرگوا مهجتی و احشای
ارید اعتب و اصیحن حیل ، ارید اسهر واغطی اللیل
ارید الموت ارید النوح ، ارید القریه ارید السیل
ارید البلم والبرگه ، ارید السمچه والرگه
ارید العمه المچریه ، اریدن شمره محترگه
ارید اعذف واغنی اهناک ، طبیب او هل یشد بدواک
ارید الهوره و الماطور ، لا تتشرّد آنه اویاک
ارید الطوبه و الطابگ ، اریدن نرکض امسابگ
غرامی البردی والچولان ، اریدن حبّی امشابگ
مشیت او ملّن اجدامی ، علیکم تاهت احلامی
الزمان اتعده و آنه اویاه ، بل نت شاعت اعلامی
علیش الخوه خنتوها ، و الگعده نسیتوها
الربا و الونسه والسهرات ، بالدیره دفنتوها
شنهی ذنبی آنه اویاک ، دنیه گزرتهه احذاک
الدنیا ساس للفرگه ، اعوفنک و اروح ادواک
تعال او شوف دلالی ، علیکم منشده بالی
اذا ما تحضر ابهل حین ، تضل مندوم للتالی
جاسم ثعلبی (حسّانی) 06/03/1392
اقدم هذه القصیده الی الاخ و الصدیق الحمیم حسن فیاض مدلول
بمناسبت یوم الاب
:: بازدید از این مطلب : 2279
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
