یدوس اعلی الجماجم هالشمر معروف
یجر راس الجمل یرکب علی المشحوف
***
دوس ابلا رحم محّد یدگ بابک
اکل واشرب امدلّل انت و اصحابک
حضّک نصّباک او سیّدک جابک
یستاهل تعبده او بالغدر معلوف
***
ضربت ابلیله ظلمه سیّد الکونین
او سمّیت الحسن وانت القتلت احسین
او گطعت اچفوف ابو فاضل عمید الدین
جول ابکربلا لا مستحی لا خوف
***
انت الیتّمت تستاهل التمجید
قل لی ابیا سبب ظالمنی یوم العید
عاتبتک ابقلمی و العتب میفید
تخزن بالفتن عبالک اچوم صوف
***
ابو سفیان اخوک ابظلمک اتطیعه
عند الاجنبی کل بیتک اتبیعه
مسلمین الاصل لو سنّه لو شیعه
اذا عندک طمع برض الغرب رد حوف
***
کلمن غذّبک ترجع تدگ بابی
ارید اسئل تقل لی ابیا گلب رابی
اریده الدهور امی و الشلع نابی
الوکت طّول علینه و الزمان ایشوف
***
یزید اشحصّل او بنیانه چا وینه
ابو سفیان حاکم و انهدم دینه
من الحسرات والهم والله ملینه
تعّیل اعلی الفقیر او تنهب المسفوف
***
گعدنه اویاک ذلّینه او کتلنه الجوع
طلّگنه السعاده او هالخبر مسموع
فدینه ارواح لجلک یوم گمت اتلوع
تاکل ثمرة الحق والزرع مگطوف
***
دلّینه نسیر او یاک لو عایف
تجی خطّار تسلب بیت ما شایف
تتوکل تبیع او تاکل او خایف
وحق دین العبدته جردتنه او گوف
***
جاسم ثعلبی (حسّانی) 22/11/1392
:: بازدید از این مطلب : 2050
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
