سفیر الحب

هدیه الی مولودنه الجدید حسین ابن علی

هله یهلال وسط الگلب هلیت

الدمع بالعین بان الفرح هلیت

نبارک جیتک سهلت هلیت

عزیز  او ردتک اتنور الثنیه

***

هله اببدر البزغ شایل ثلث نجمات

هله و اعیونی فدوه الرافع الراسی

هله ابریح الشمال الما تکضه احدود

او هله او میت هله بالورّد انفاسی

***

ابارک لک قدومک من گلب والسان

احسین امحسن اسمک جدک ابیومه

اهلال او هل علینه او اسمه دیرة خیر

عید ابعید عدنه اتبشر اعلومه

***

ابوک اتبسم ابیومک طرد کل غیض

یومک یالعزیز اتمنی  الابشاره

زهیت الدنیا بینه او شعری الک نیشان

انطرد بیت الحزن هل لف لف اوزاره

***

فرحنه الکل فرحنه ابجیتک یا حید

یا در او حمیه او حملی شیاله

عله الله یا زمن استرنه بضع ایام

تشد ارچاب حیلی الدنیه میاله

***

یا مرکب هوانه یا لطیف او نور

یا دار او مضیف او بیتی و ادلاله

شد احزام اخوتک گلبی یتفدالک

لو طگ التفگ و ارخت الخیاله

***

احبکم والله احبکم حیل اصیح ابصوت

مثل ما احب اهلکم حبکم اکثر نار

اضمنکم  ضخر للدنیه و العازات

و اریدنکم ستر لمن تشید الدار

***

ازف لک یا علی هوسه ابطیاره

ابمولود الجدید الشاعت اخباره

گلبی من سمع بیه انطفت ناره

و الیوم اصبح عید ایامی

***

جاسم ثعلبی ( حسّانی) 28/06/1393

فنون اشعارشعبیه متنوعه

تالیف الشاعر جاسم ثعلبی الحسانی

دارمی

ما شفتک آنه الیوم یا نور العیون

عطشان ادور اعلیک بیک آنه مجنون

***

ما شفتک آنه الیوم ضایع علیه

گلبی تعب برباک حگه المنیه

***

ما شفتک آنه الیوم وینک یدولاب

جیتک غفل عطشان بس سدوا الباب

***

ما شفتک آنه الیوم انشد علیه

ضاع التحبه الروح من بین ادیه

***

ما شفتک آنه الیوم ریتک تجینی

نایم وافکر بیک زاید ونینی

***

ما شفتک آنه الیوم انشد علیه

دگ الجرس یهوای و اتصل بیه

***

ابو ذیه المذیله

ابرخص بعنه النودهم من شکلهم

او عرفنا اطباع منهم من شکلهم

حمگ گلبه علی و ابعد

او زادانی ابالم و اشتد

او حفرالی گبر و امتد

اذا اعتذروا او عانوا من شکلهم

السمح عین ابگمر تضوی علیه

***

ابوذیه المنثوره

اشحلو بستانک الشاتل ورد بیه

تعجب گلبی باوصافه ورد بیه

گمر شفتک

تمر شفتک

                              عمر شفتک (شفتک لها ثلاث معانی)

محب فرگاک

مرید انساک

الگلب یهواک

الهوا ابدارک

اشتوی ابنارک

الفرح زارک

زلال او نبع دلالی ورد بیه

یضل اسنین ما یعطش علیه

***

ابو ذیه المدور

الهواک اشلون یترک وانت جنه

شمس تضوی ابسمانه و انت جنه

اود اویاک اعیشن و انت جنه

دلال او فرح و اعلوم او هویه

***

ابو ذیه المقیده

قول الحق علی نفسک و قر بیه

الصدگ للبشر شمسیه و قر بیه

اخذ درب الوصی حکمه و قربیه

تعیش ابهنه او متلوحک اذیه

***

ابوذیه الفلکلوریه او التقلیدیه

دردش یا قلم واکتب علی هام

جفه او ما نامن اعیونی علی هام

الحد من یا گلب تحزن علی هام

اظنهم طومروا تحت الوطیه

***

ابوذیه المطلقه

السمچ مثل الگلب ساهر ولا نام

الصایم ما شرب قطره و لا نام

السایب ما غنی ابلگمه و لا نام

السمچ والساب والصایم سویه

***

شعر النایل

ونیت الک یا محب انت الوطن  ودوای

والعانداک احترگ سهمه النبت بحشای

انت الگصب والنخل و انت الهوا و المای

ضیعتک اتمرضت اسئل الراح او جای

لتلومنی یا زمن لو طولت ببچای

لو ادور اسنین العمر ما الگه مثل اهوای

***

شعر هرمی من ابداع الشاعر (الحسانی)

طال الدرب

اتعنیتک ابنار او حرب

دولاب دولبنی الوکت یضرب ضرب

وینک یمن روحک بلت انشد علیه او انسحب

ماکو وفه حبی انطفه نارک شفه لانت ابشمال او لا غرب

***

شعر زهیری او موال

یا من اذاک العذّب اگلوب البشر فرگاک

مسجون ما حصلک هب او هرب فرگاک

حگه لتلوم الیحب سل او ذبل فرگاک

و انت التحشم سکر تشّر علی یا هلی

و آنه ابحدیث النسب مومن کبر یا هلی

غیرک یبد الوفه اعتب واجر یا هلی

غطینی ضرنی السهر دفنی ابشعر فرگاک

***

القصیده

تگرب یا ولف بالشوگ شوف او جرب احسانی

لطیف او مثل هب الریح بارد  عذب نیسانی

اشمالک دهورت دنیای متندم علی افکارک

اشمالک ما تطوف الغیض تبحث علی بسرارک

اشمالک منخطف یا طیر سکن واحنه زوارک

شلعت الگلب واتبریت افتحه او تلگه عنوانی

***

شعر العموری

سلامات اندعیلچ من حسود العین

یا جنه او مزهیه امنوره بالحانی

فدیت الروح لجلچ و الگلب نصین

کلامچ بالحلم شد عگلی و السانی

***

شعر النصاری

تذکر من هویتک مانی بخلان

سهرت اعلیک عمری او گلبی ناطور

اذا اسمع مریض او لحظه تعبان

افز ویه المطر بس گلبی ایفور

احس مجروح گلبک منی کسلان

واحس طایر صرت وسط السماء ایدور

وینک یا دوای احضرنی جزعان

ترش اعلی الجرح مرهم یتنور

***

شعر العتابه

هلی کل البشر صارت حملهم

اوما بخلوا علی الطارش حملهم

هلی صیاد للعایز حملهم

هلی ابدیوانهم مجتمعه الاحباب

***

شعر الغزل

سمیتک هوا لو ینگطع ما اعیش

او سمیتک حبیبی او عینی سمیتک

عفت کل من دعانی او رحبالی اسنین

اعز منی انت الیه ابگلبی ربیتک

مثل طیر السعد عندی یتاج الراس

ما احسب اگلک یوم ملیتک

***

شعر الرکبانی

یهل العتاب الیوم عندی وصیه

گلبی ابسفر ویاه وابعد علیه

کافی انوح اعلیه هالیوم کافی

هو ابفرح وابخیر بس آنه جافی

***

شعر بحر السریع

یا هوا ارسلّی الحبیبی السلام

او ذکره بایام الهوینه ابغرام

او ذکره ما ناسی العتب والوعد

مطرور گلبه ابحبک او مسترد

او گله یودک والقسم ما نساه

او گله اعله وعده العاندک ما هواه

بس صوره تذکارک بگت والختم

شوفتک ضاعت بس علیه بالحلم

خایف یحسب لو متت و اهو حی

یبغی حنانک منغرد یا وفی

***

شعرجمله او نص

بالک تدنس ساحتی بالک تطوف احلامی

تتاخر ابحبک عجب و آنه المحب جدامی

بالک تفکر بالغدر بالک تزید الامی

بجفونک الماهودن تمطر رطب و اترامی

***

شعر المذیل

عینی اسهرت نجمه ابللیل ما غمضت

مثل الشمس تربی اسنین ما فترت

***

شعر المیمر

حبک رمانی او ما جرح دلالی

لو هدف ابدرب الخطا دلالی

یبست طیبک بالبحر دلالی

حگگ جرمتک وآنه گلبی امطشر

***

شعر العگیلی

تتصور نسیناک اعیونی

جفیت انت ابهوی اهواک

او من یوم الهویناک

گلبی اشلعته ابدمه ویاک

***

شعر الحدی

ارد امشی ابشاطی البحر و اسهر واخیط اجروحی

بلکت حبیبی ینتخی او یسمع ونینی او نوحی

***

شعر التجلیبیه

تعال البیتک آنه اویاک/ والشوفتک اتمنه

ممدود اعلی شاطی المای / ابدم اجروحی اتحنه

***

شعر الموشح

یا حبیبی العین والحاجب یرف

اظن وصلت موتتی ابهالساعه

رعشه البگلبی ابد ما تنوصف

اشلعه کله  او حطه الک دلاعه

***

شعر الشبکهه

ورده هیعونه الیشمهه ورده وامخبله الخلگ

امعطر البستان حبهه والله یا سبحان ربهه

اشلون صانعهه او کسبهه او گلبی ابحبهه احترگ

***

شعر یالسافرت

وینک ارید انه اویاک والعشره محلاها

جوره او گضیناها احذاک مو سهله ننساها

***

شعر الطردی

تکتب رسایل لیش و اتگلی ما عوفک

گاعدلک اعلی الدرب او تشرلی بزلوفک

***

النعی

اخلافک لفت لیه المنیه او یا محنتی الصعبت علیه

***

شعر انا فتحنا

کل یوم اگول الولف باچر یجینی / واعدنی راح او هجر کثر ونینی

***

خایف علیهم

عینک علینه محتار بینه من دون مهرک یا حلو من یشترینه

***

المنکل

یالمنحدر وینک تمر اشمالک زمانک عافک

***

الشیاله

حبک اظن چتالی من هدمت دلالی

مثل الگمر تبرالی وینک تمر یا غالی

***

المترادف

ارتاح اذا ترجع الی او لو هم تجی ما ارتاح

اتواعدنی واعیونی اربن و الوعد کترته اوراح

***

الکصد

وین الاواسیله او یزیل الحزن

و ابعینی اسگیه او بیه ممتحن

***

عزیز الروح

یا عطر وایفوح یا سهر عینی  ما جبت طرواک ما تحاچینی

***

ازریزر

بس بعد کافی الزعل کافی الحلم عذبتنی وانه گلبی منلچم

مرمرتنی او ما شفت بس العذاب یکفی لومک و البچی یکفی الخطاب

***

یبن الحموله

یبن المدینه حبیبی اشبدلک شنهی السده اعلیک او شنهی الغیرک

***

خدری الچای

سکری الباب سکریه گلبی المن اسکره خایف من هوا الحار اهمومی المبکره

***

المفتول

آنه الذی باریته ابهای العین حبیته

حب او عذب سمیه ابطن الگلب حطیته

***

المجرشه

عذبت روحی او ما جزت ادری الشعر یاذیهه

فکری او قلمی الممتحن و اطواری اتجر بیهه

***

الشموس

صک بعد باب العتب یا گلبی مفهومه

بالک تجر بالک تمر و الدنیا مختومه

***

الچوبیه

یمشی مشی الغزاله / مستانس و آنه ابراله

ما یدری شنهی الحاله / لابس بدله اهوازیه

ابحال التعارف جیته / و اعلی الدرب دلیته

حسب صدگ حبیته / نزّل عباته اشویه

***

اعتذر من الخطاء

جمیع الاشعار الموجوده فی هذه المجموعه الشعریه الشعبیه من الحانی

اخیکم الشاعر جاسم ثعلبی (حسّانی) 30/06/1393

هدیه الی مولودنه الجدید حسین ابن علی

هله یهلال وسط الگلب هلیت

الدمع بالعین بان الفرح هلیت

نبارک جیتک سهلت هلیت

عزیز  او ردتک اتنور الثنیه

***

هله اببدر البزغ شایل ثلث نجمات

هله و اعیونی فدوه الرافع الراسی

هله ابریح الشمال الما تکضه احدود

او هله او میت هله بالورّد انفاسی

***

ابارک لک قدومک من گلب والسان

احسین امحسن اسمک جدک ابیومه

اهلال او هل علینه او اسمه دیرة خیر

عید ابعید عدنه اتبشر اعلومه

***

ابوک اتبسم ابیومک طرد کل غیض

یومک یالعزیز اتمنی  الابشاره

زهیت الدنیا بینه او شعری الک نیشان

انطرد بیت الحزن هل لف لف اوزاره

***

فرحنه الکل فرحنه ابجیتک یا حید

یا در او حمیه او حملی شیاله

عله الله یا زمن استرنه بضع ایام

تشد ارچاب حیلی الدنیه میاله

***

یا مرکب هوانه یا لطیف او نور

یا دار او مضیف او بیتی و ادلاله

شد احزام اخوتک گلبی یتفدالک

لو طگ التفگ و ارخت الخیاله

***

احبکم والله احبکم حیل اصیح ابصوت

مثل ما احب اهلکم حبکم اکثر نار

اضمنکم  ضخر للدنیه و العازات

و اریدنکم ستر لمن تشید الدار

***

ازف لک یا علی هوسه ابطیاره

ابمولود الجدید الشاعت اخباره

گلبی من سمع بیه انطفت ناره

و الیوم اصبح عید ایامی

***

جاسم ثعلبی ( حسّانی) 28/06/1393

انواع الشعر الشعبی

1-القصیده الکلاسیکی : یبدا بمطلع القصیده من شطرین

یا طیف الحبیب لبعید عنی ابعید مالک دوم جدامی

مالک بالفراگ الروح ذابت و الدمع دامی

مالک شو تراودنی یطیف افکار من هل ویل

مالک ماتشوف الحال منی او لا تشوف الحیل

مالک گمت اکابر غاب عن عینی الونن بالیل

صرت ما افهم امن افهم گرب من یبطی اعلامی

2-العموری :

کافی من غدر الهوی کافی من لعب الجهال

کافی من اصحه الزمانی ما بعد احمل دلال

آخر

سلامات اعلی طولک من حسود العین

وایحرسک من مرض واوجاع

منه ابلیاک واحد و انشطر نصفین

هرش صفصاف لو نس مهبوب انصاع

3- الابوذیه: (توضیح مختصر التوضیح الکامل یاتی فی موضوع جدید)

یکتب من اربعه اشطر ثلاث منها تاخذ اجناس  واحد اویه الکلمه الاخیره هی کلمه واحده ولکن لها ثلاث معانی و الرابط الاخیر مختلف و

اخر کلمه یکون اخر حرفهه (یه)

حرت بسرارهم کلهم و مرهم

چم مره تبت منهم و مرهم

عذاب الی یجی منهم و مرهم

احلی امن العسل طعمه علیه

4- الدارمی : و هو شطرین فقط اول من کتبه امراه من قبیلة دارم التمیمیه اسمه الثانی غزل البنات و تفعیلاته ( مستفعلن فعلان مستفعلتان ) و ( مستفعلن فعلان مستفعلاتن)

یحلی المسامر بیچ و العرس محلاه / طولچ غصن ریحان و اتمایل او یاه

5- الزهیری : و اسمه الثانی الموال معروف عند الکل یتکون من سبعه شطور الثلاث الولیات و السابع منه قافیه و من الاربعه الی السته قافیه مختلفه

6-النصاری : نوعین مثال الاول:

تاخذنی افکار ابعید لبعید / او علی المامش ابات او حسبتی اتدور

و اشبن للسمه السابع ولا اهید / و احس العمر خشبه ابحلگ تنور

مجروح او دوای ابحلگ عربید / مهموم او ضحکتی بوسط زاغور

ادور عن گمر و الگمر شیفید / اذا ذبحوا ضواه او باگوا النور

الثانی:

روحی اتواخدت یلما تحن الهه/ مثل عود ابزرع راچبهه منجلهه

رچبهه المنجل او حاصود لاویها / الف عونة حصاد اتهوس اعلیهه

تلولب مال حاضر صبخه حریهه / وعد ریح الفرس ریعان غاذیهه

7-الهوسات :

یا فرحه ازفهه الیوم الک یا غنوه اغنیهه / او روحی امن الفرح طارت مدری وین الگیهه

الک فرحه یشعبی الیوم و التاریخ یحچیهه / هاو وله او صار ابمزبلة التاریخ

8- النایل : له توضیح خاص یاتی بعد و هذا مختصر مثال شعر و بس.

تشهد له وگعت بدر احد سمه / للحمزه صفحة فخر متسجله ابدمه

من اجل اشرف هدف مرسومه خطواته / همه او رساله او شیم مترسخه ابذاته

قوه او اراده او عزم تشرفها غایاته / وجدانه طود انتصب یحرس نبی الرحمه

9-العتابه : من بحر الوافرنوعین . تفعیلاتها ( مفاعیلن مفاعیلن فعولن ) و ( مفاعیلن مفاعیلن فعولان)

هلی ما لبسوا خادم سملهم / بچفوف العده بایت سملهم

الناس انجوم و انه اهلی سما الهم / چثیره امن النجم عله او غاب

الثانی

هلک شالو علی مکحول یا شیر / او ذبولک عظام الحید یا شیر

لون تبچی ابکل الدمع یا شیر / هلک شالوا علی حمص او حما

ثالث

اممٌ ما گدرت تحصل مجد / مثل ما حصله جون العبد

عبد لاچنه بلغ هالمرتبه / لبس تاج الساده و اتمنی الابه

هتاف التضحیات ایخاطبه / مثل جون العبد ما ینوجد

10- الغزل : له توضیح خاص هنا نشیر علیه فقط بالامثال .

الغزل له انواع منه النسیب او الصناعی مختص لذکر المراه  و مثاله

امن اوفی دمنه لم تکلم / بحرمانة الدراج فالمتلثم

و دار لها بالرقمین کانها / مراجیع وشم فی نواشر معصم

ثانی

قفا نبک من ذکری حبیب و منرلی / بسقط اللوی بین الدخول و حومل

2- غزل الصریح : ذکر محاسن المره و قصص الحب و هو توصیف حاد حسی و منعه الاسلام

3- الغزل العذری : او العضیف ذکر معانات فی الحب و المشاعر السامیه و العواطف الجیاشه دون ای وصف حسی او ذکر سافر ( فیه عفه و تاثیر الاسلام علیه) مثال من قیس ابن ملوح (مجنون لیلی)

امر علی الدیار دیار لیلی / اقبل ذوالجدار ذوی الجدارا

ما احب الدیار اهاج وجدی / ولکن حبی من سکن الدیارا

11-ومضات شعریه : هی جز من البیت الشعری مقطع الی اقسام و یقال منها قسم واحد فقط و المتعارف علیه ان القصیده سبعه ابیات فما فوق و ما دون ذلک فهو ومضه شعریه.

خبر عاجل ورد یستاهل التبلیغ

کلمن بالعشگ وارط یعدمونه

بس آنه الوحید الما شملنی احساب

لان گلبی یود حتی الیذمونه

ک. جاسم الحسانی

12- الرکبانی : او النبطی و هو من بحر المجتث و تفعیلاته ( مستفعلن فاعلاتن فاعلاتن)

یهل رحایب امنین الوین لافی / لانتم علیکم زین لا شین خافی

13- بحر السریع : ینظم علی وزنین تفعیلاته ( مستفعلن مستفعلن مفعولات ) و ( مستفعلن مستفعلن فاعلن)

یا طیر ودی للحبایب سلام / ذکرهم اباحلی لیالی الغرام

14- الجمله او نص : من مجزوء بحر الرجزء و تفعیلاته ( مستفعلن مستفعلن مستفعلن مستفعلن) و( مستفعلن مستفعلن مستفعلن مفعولات )

ایهونک دمس لا تنچسر شوف الحواسد مربین

هب النسیم ابهل ورح یا تگطع یا ساهی العین

من تلتفت ما تندرج ما تخطی تکتل بالحین

او حجاج الک مثل البدر یضوی اوتشوفه کل عین

15- المذیل : جزء من بحر الرجز و تفعیلاته ( مستفعلن مفعولات مستفعلن)

دربه الهوة سین او لام تحت الدرک

الاف آه امن الهوی/ چم حید بیه گلبه انچوه

حالات اله ملهن دوه / کلمن تولع بیه هام

16- الحدی : جزء من بحر الرجز و تفعیلاته ( مستفعلن مستفعلن مستفعلن مستفعلن)

ارد احدی عالراحوا حدی و ابچی امع دم وحدی

17- المیمر : من بحر السریع و له تفیلتان ( مستفعلن مستفعلن مفعولن) و ( مستفعلن مستفعلن مفعولات)

عالمیمر او هالمیمر او عالمیمر / اعیونه وسیعه او علی افراگه ماگدر

18- العگیلی : من بحر المتدارک و تفعیلاته ( فعلن فعلن فعلن فعلن )

تتصور نسیناک ممکن / یا ریت آنه اگدر انساک

19- التجلیبه : من بحر الهزج و تفعیلاتها ( مفاعیلن مفاعیلن مفاعیلن)

تعال الحبک انه اشتاک و الشوفتک اتمنه

ثانی

هلی الحیهم نشامه الوکت ربانه

اذا واحدنه ضیم ایصیب جیرانه

20- الموشح : بحر الرمل و تفعیلاته ( فاعلاتن فاعلاتن فاعلاتن )

یا طبیب اصواب دلالی کلف / لا تلچمه ابحطة السماعه

21-الشبکهه : من بحر الرمل و تفعیلاته ( فاعلاتن فاعلاتن فاعلاتن فاعلاتن)

داده خی عونه الشبگهه / داده خی عونه الشبگ

من تمر للسوگ صبحه / اتصیب کل دلال فرحه

جیت اعاملهه الوکحه / غطت الروبه ابطبگ

22- یالسافرت : علی وزن جمله او نص و النایل و تفعیلاته( مستفعلن مفعولات مستفعل فعل)

عشره الگضیناهه اویاک مو سهله ننساهه

23- الطردی : صدر دارمی والنایل و تفعیلاته ( مستفعلن فاعلات مستفعل فعل)

تزعل علیه اشلون / باول صباح العید

24- النعی: تفعیلاته ( مستفعلن مستفعلاتن)

یا حسرتی المنکبّر نفّر

25-المترادف : مثل الحدی و جمله او نص تفعیلاته  ( مستفعلن مستفعلن مستفعلن مفعولات)

احتار اذا ردیت الی / او من ما ترد لی احتار

26- انا فتحنا : علی وزن النایل و عجز و الدارمی و تفعیلاته ( مستفعلن فاعلن مستفعلاتن)

کل یوم اگول انتظر بلکت یجینی

27- خایف علیهم : مثل نهایة الدارمی  و تفعیلاته ( مستفعلاتن مستفعلاتن)

خایف علیهه / ولهان بیهه /  شامه او دگه بالحنچ/ من یشتریهه

28- المنکل : تفعیلاته ( مفعولات مستفعلات)

یالماتجی / کثر البچی / ریتک زمانک عافک

29- الشیاله : و تفعیلاتها ( مستفعلن مفعولن مستفعلن مفعولن )

چنک ردت تنسانی / او هالضیعت عنوانی

30- الکصد : تقعیلاته ( فاعلاتن مفعولن فاعلن)

یالطایح مذبوح ابطف کربلا / جینه نواسیک او نلعن حرمله

31- الهجینی : تفعیلاته ( مستفعلن فاعلن فعلن)

32- الغجری : صدر دارمی او وزن شیاله و تفعیلاته ( مستفعلن فاعلات مستفعلن فعولن)

33- عزیز الروح : تفعیلاته ( فاعلن فعلن فاعلن فعلن )

یا عزیز الروح / یا بعد عینی / شنهی ذنبی ویاک / ما تحاچینی

34- الفائزی : علی وزن الحدی و عجز و دارمی و تفعیلاته ( مستفعلن مستفعلن مستفعلاتن)

35- ازریزر :  تفعیلاته ( فعلن مفعولن مستفعلن )

رغم السویته انتظرک تجی

36- المنسجم : تفعیلاته ( مستفعلن مستفعلن مستفعلن فعل)

37- یبن الحموله : تفعیلاته ( مستفعلاتن فعولن فاعلن)

یبن الحموله علیه اشبدلک

38- خدری الچای : البحر المتقارب  و تفعیلاته (  فعولن فعولن فعولن فعول)

خدری الچای خدریه / اعیونی المن اخدره

اشمالک یبعد الروح / روحی المجدره

39- المفتول : علی وزن جمله او نص والشیاله و تفعیلاته ( مستفعلن مفعولات مستفعلن مفعولن )

انه الذی ربیته / ابهای العین اخفیته

40- البحرانی : یشبه العگیلی و تفعیلاته ( مستفعلن فعولن فعلن )

41- الورد : یشبه الحدی و العجز و نایل و تفعیلاته ( مستفعلن مستفعلن مستفعلن فعلن )

42- المجرشه : و هو من بحر الرجز و تفعیلاته ( مستفعلن مستفعلن مستفعلن مفعولن)

ذبیت روحی اعلی الجرش و ادری الجرش یاذیهه

43- الطویل : بحر الهزج و تفعیلاته ( مفاعیل مفاعیل مفاعیل مفاعیل)

44- الشموس : تفعیلاته ( فاعلاتن فاعلاتن فاعلن فاعلن ) و ( فعلن فاعلن فعلان مستفعلن )

الیوم ردت بالضعن زینب المهضومه

اعتذر من الخطا .

جمع و تنظیم : الشاعر جاسم ثعلبی (حسّانی) 28/06/1393

بحور الشعر العربی و امثالها

1- الطویل : تفعیلاته هی ( فعولن مفاعیلن فعولن مفاعیلن ) یستعمل تام مثال:

اثرت او لاجی علی لیل  حره

هضیم الحشی حسانه المتجرد

اذا النوم الهاها عن الزاد خلها

بعید الکری باتت علی طی محبد

2 – بحر المدید : تفعیلاته هی ( فاعلاتن فاعلن فاعلاتن فاعلن) اربع مرات مثال:

رب رام من بنی ثعلٍ / متلج ٍ کفیه فی قتره

عارضٍ زولا من نشم / غیر باناة علی وتره

3- بحر البسیط : تفعیلاته هی ( مستفعلن فاعلن ) اربع مرات مثال :

اری النبانة افوق بعد ساکنها / فلا اسد یرو اقوی منهم اقروا

اذ لا اری مثل بادیهم ببادیه / ولا کحاضرهم حیاٍ اذا احضروا

4/ بحر الوافر : تفعیلاته هی ( مفاعلتن) 6 مرات مثال :

الا ابلغ لدیک بنی سبیع ٍ / وایام النوایب قد تدور

فان تک صرمة اخذت جهاراً / کغرس النخل ازره الشکیر

5- بحر الکامل : تفعیلاته هی ( متفاعلن ) 6 مرات مثال :

ابا لیجة من لحیٍ مفرد / صقع الاعداء فی شوال

و اذا ذکرت ابا لیجة اسلبت / عینی فبل و کفیها سربال

6- بحر الهزج : تفعیلاته هی ( مفاعیلن ) 6 مرات مثال :

عرفت المنزل الخالی / عفا من بعد احوالی

عفاکل هتانٍ / عسوف الوبل هطالٍ

7- بحر الرجز :  تفعیلاته هی ( مستفعلن ) 6 مرات مثال :

انک یبن جعفرٍ نعم الفتی / و نعم ماوی طارق اذا اتی

وربّ ضعیفاً طری الحی سری/ صادف زاد و حدیثاً ما اشتهی

8- بحر الرمل : تفعیلاته هی ( فاعلاتن ) 6 مرات مثال:

ان تقوی ربنا خیر نفل / وباذن الله ریثی و عجل

احم الله فلا ند له / بیدیه الخیر ما شا فعل

9- بحر السریع : تفعیلاته هی ( مستفعلن مستفعلن مفعولات ) مرتین مثال :

والله والله و نعم الفتی ال / عرج لا لنکس و لا الخامل

الحارب الوافر و الجابر ال / محروب و المرجل و الحامل

10- بحر المنسرح : تفعیلاته هی ( مستفعلن مفعولات مستفعلن ) مرتین . مثال :

فیم ان لومها ذعر / احمیت لوماٌ کانه الابر

من غیر ما یلصق الحمامة ال / ملا سخف رایٍ و سائها عصر

11- بحر الحفیف :  تفعیلاته هی ( فاعلاتن مستفعلن فاعلاتن ) مرتین . مثال :

هل لعیش ارا مضی لزوال / من رجوع ام هل فتی غیر بالی

اصبح الدهر قد مضی سمیر / بسعور الوغی و بالمفضال

12- بحر المضارع : تفعیلاته هی ( مفاعیلن فاعلاتن مفاعیلن ) مرتین . مثال:

ایا لیل لا انقصیت و یا صبح لا اتیت

و یا لیل ان اردت / طریقا فلا اهدیت

13- بحر المقتضب : تفعیلاته هی ( مفعولات مستفعلن مستفعلن ) مرتین مثال:

حامل الهوی تعب / یستخفه الرطب

اب بکب یحق له / لیس ما به لعب

14- بحر المجتث :  تفعیلاته هی (  مستفعلن فاعلاتن فاعلاتن ) مرتین . مثال :

یا غاقد الحاجبین / علی الجبین للجبین

ان کنت تقصد قتلی / قتلتنی مرتین

15- بحر المتقارب :  تفعیلاته هی ( فعولن ) 8 مرات . مثال :

احاربنی عمر و کانی خمر / و یعدوا علی المرء ما یتامر

لا و ابیک انبت العامر / ی لا یدعی القوم الن افر

16- بحر المتدارک : تفعیلاته هی ( فاعلن ) 8 مرات . مثال :

اتهدا یا سماء / واکتبی بالضیاء

ان قلبی الی / مسرح الارض جاء

عاشی ایامه / مثلما الله یشاء

باسما للدنا / راضیاً بالقضاء

جمع و نشر:  الشاعر جاسم  ثعلبی (حسّانی) 27/06/1393

شعر و وزن النایل

المحقق جاسم ثعلبی (حسانی)

شعر النایل : اول من انشد به  امراه من قبیلة بنی عذره و بعد ان حرمت من حبیبها المدعو نایل فبدئت تترنم باسمه بانغام غنائیه موالید جدیده علی المسامع فما دفعها ذلک النغم الحزین الذی جاء علی لسان فطرتها کموروث و تفعیلاتها( مستفعلن فاعلن مستفعلن فاعلن) و ( مستفعلن فاعلن مستفعلن فعلان)

و اول بیت نایل ذکرته المبتدعه له( العذریه ) و الذی حمل اسم حبیبها کان مکتوب بطریقة مزج التفعیلیه بدون الفصل بینها و هذا اسلوب انقرض تقریبا و اصبح المعمول به فصل التفعیل مما یعطی تون موسیقی اکثر رقه و شفافیه و هذا هو بیتها الاول حسب ما ثبت فی العدید من المصادر .

نایل چتلنی او نایل غیر الوانی

و نایل ابشوگه سقیم الروح خلانی

اما المعمول به الان من قبل جمیع الشعراء فهو کمایلی من قصیده علی وزن النایل:

انت الوحید الذی رسمک ابوسط احشای

 و انت الملکت المضی من العمر والجای

نایل یشمام الوزن یا طیب روض الجنه

نایل یعریس الشعر بعیونک ایلوگ الکحل

بچفوفک ایلوگ العشگ لو ینصبغ بخدود لون الجنه

نایل یمن گلب العشگ بطوار وزنه غنّه

بقلم الشاعر الاستاد سید حسن الشریفی

جمع و تنظیم : الشاعر جاسم ثعلبی (حسّانی)

شعر الغزل و انواعه (المحقق جاسم ثعلبی (حسّانی)

الغزل و هو شعر عربی اصیل و له قدمه تاریخیه الی ما قبل الاسلام و کانوا ینظمون به شعراء عظام و یغردون به انواع القصاید و الاغانی و بعض یقولون ان الغزل مختص و مجرد لذکر المراة ولکن بعد مر الزمان تغیرت الوانه و جعل الشعرا ینظمون احسن القصاید منه باشکال و انواع  و معنی الغزل ماخوذ من مغازلة النساء و الاحباء و النظر الثانی و هو کلام جمیل  ملفوف و مخبون بالرموز و الاسرار و معنی الثالث و هو خیط مبروم و قوی و علی کل حال الغزل هو بیان الحب للمحبوب بصورة شعر منظم و قوی.

انواع الشعر المحبوب الغزل:

1-غزل النسیب ( غزل الصناعی)         2- غزل الصریح       3- غزل العذری (غزل العفیف)

1-  غزل النسیب :

لغزل النسیب اسم ثانی یسمی غزل الصناعی و مختص لذکر المراة  شید به امر القیس سلمی و باقی الشعر العظام قصاید معروفه منها قصیده :

قفا نبک من ذکری حبیب و منزلی / بسقط اللوی بین الدخول و حوملی.

2- غزل الصریح :

و هو نوع ثانی من الغزل یذکر محاسن المراة و توصیف حاد لها  و قصص الحب و توصیف حسی شدید نظموا به شعرا کبار قصاید منهم امروالقیس و حرم و ترک لاجل تاثیر الاسلام علیه .

3- الغزل العذری :

اسمه الثانی العفیف و یشمل ذکر المعانات فی الحب و المشاعر السامیه و العواطف الجیاشه دون ای وصف حسی او ذکر سافر فیه عفه شدیده و تعدل لونه و ذائقته فی حین دخول الاسلام علیه.

نمونه من الشاعر قیس ابن ملوح ( مجنون لیلی)

امر علی الدیار دیار لیلی / اقبل ذوالجدار ذوالجدارا

و ما احب الدیار هاج وجدی / ولکن احب من سکن الدیارا

الغزل هو شعر رقیق فی النساء ولا یکون الا فی النساء و هو حدیث الفتیان و الفتیات و یقال ان الغزل هو اللهوا مع النساء و تشبیب الشعر و ترقیق اوله بذکر النساء و هو من تشبیب النار و مدح المراة للرجل اعجب تعبیرها عن هذا الاعجاب و کان عاشقا لها و هذا النوع من الشعر له دور فی عصر الجاهلیه و عصر الاسلام و عصر الا موی و عصر الحدیث و لحد الان .

جمع و تنظیم : الشاعر جاسم ثعلبی (حسّانی) 28/06/1393

الابوذیه

  (المحقق جاسم ثعلبی (حسّانی)

الابوذیه شعر شعبی عراقی او ما یسمی ضرب من ضرب الشعر الشعبی و ترکیبه من حیث الوزن یعود الی بحر الوافر و تفعیلاته ( مفاعیلن مفاعیلن فعولن)

معنی کلمة الابوذیه:

الابوذیه مشتقه من الاذیه و ما یصیب بها الانسان من الهموم و المتاعب و الافراح و غیرهما فتترجم من خلال الشعر الی ابیات تقرا او تغنی بترتیل و لون تطغی علیه صفة الحزن فحین یتعرض الشاعر للمصایب او یکون هدفا لها تفیض قریحته بلحن شجی و نوح بعذوبه الکلمه و النغمه الحزینه فیطرب عامة الناس ویتخدونه متنفسا لهم ظهرت فی وسط و جنوب العراق ثم الی الاهواز و کان الاهوازیین لهم اکثر خبره فیا  بعد ان سبقتها العتابه التی ظهرت فی شرق سوریا ثم انتشرت فیها بعد عند السکان المناطق الغربیه و الشمالیه الغربیه من العراق .

تتالف الابوذیه من اربع اشطر ثلاث الاولی تنتهی بکلمه واحده متحده فی اللفظ و مختلفه فی المعنی و تسمی ( جناس)

انواع الجناس فی الابوذیه:

1-جناس تام        2- جناس الغیر تام

1-جناس تام : و هو ما اتفق اللفظان فیه بنوع الحروف و وزنها و ترتیبها

2-الجناس الغیر تام : و هو ما اختلف فیه اللفظان فی واحد من الامور الثلاثه المذکوره فی التام و هی ( الوزن . العدد و الترتیب)

اما اذا اتحدت الکلمات الاخیره فی اللفظ و المعنی فتکون القافیه المرکوبه و البیت مرکوب .

الشطر الرابع ینتهی( بیا) مشدده تلیه (ها) او تسمی (القفله او الرباط) الشاعر ینظمها و المستمع یستخرج معانیها.

ملحوظة : کما قیل فی الابوذیه من حیث شروط النظم و الوزن ینطبق علی العتابه .

الفرق بین الابوذیه و العتابه.

الفرق بینهما فی الشطر الرابع فقط فی الابوذیه ینتهی بیاء مشدده (علیه – الیه)و ها مهمله اما فی العتابه فانه ینتهی بالف و با ساکنه  مثل (باب – تاب - ) و یبغی وزن الابوذیه معصوب بحر الوافر و هو (مفاعیلن مفاعیلن فعولن)

کذلک اطوار الابوذیه الغنائیه تزید علی خمس و ثلاثون طورا.

انواع الابوذیه :

1-المذیله    2- الفلکلوریه (او التقلیدیه)     3- المطلقه     4- المقیده    5- المدوره   6- المنثوره

1-الابوذیه المذیله :

حیث التنظیم من اربع اشطر یکون بین الشطرین الاولین موقع و بعد ذلک یاتی الشطران . مثال:

چم من سروسط گلبی ولک شاف

او تلف کلمن نظر حسنک ولک شاف

الک صدر صحن مرمر

الک بطن الخشف مضمر

الک عز البدر تزهر

الک جسم الفظ لیلو ولک شاف

صخر یاقوت مخزن للمنیه

2-الابوذیه الفلکلوریهاو التقلیدیه:

تعد من الفلکلور العراقی لانها نشات فی القری و الاریاف و المدن الصغیره و یتغنی بها فی فترات الاستراحه بعد الانتها من العمل و بالاخص یغرد بها الفلاحین و صیادون السمک فی الاهوار و کذلک فی العرایس والافراح وعند اهل القری فی لیال الشتاء و..

نشات علی ید الشاعر حسین العبادی من محافظة ذیقار فی جنوب العراق و ثم امتدت الی فرات الاوسط ثم الی الاهواز و سوریه و الی العالم اجمع.

مثال: من الشاعر جاسم ثعلبی (حسّانی)

حنانک جرّب انفاسی بحرمای

دخلت او ما خنت طیبک بحرمای

ترکت الما وفه ابگلبی بحر مای

ملح و جروح شعلن نار بیه

عمر الابوذیه حسب ذکر الباحث الحاج هاشم محمد الرجب فی کتابه الابوذیات لا یتجاوز 150 عاما.

3- الابوذیه المطلقه:و هی ما کان معناها مبتکر ابتکرها الشاعر و کتب علیها ابوذیه .

4- الابوذیه المقیده : یکون معناها ماخوذ من بیت شعر او آیه قرانیه او حدیث .

5-الابوذیه المدوره : و هی الا یکتمل معنی شطرها الی فی الشطر الذی یلیه (واحد بعد الثانی) مثال:

الشوگ اویاک صدفه قابلانی

اشیجی منک علیه قابلانی

تقشمرنی ابضحکتک قابلنی

غشیم او تعبر الضحکه علیه

6-الابوذیه المنثوره: تعنی المنثور یمکن غناء المنثور و جمیع الاطوار و هو لا یختلف عن الابوذیه التقلیدیه الا باضافة بعض التفعیلات الی الشطر الثالث بما یشبه طریقه السجع لاضغاء شی من جماله الصنعه الشعریه و التطریبیه معا و هذه الطریقه من المبتکرات الحدیثه .

مثال:

علیک اهوای ونینه و نعنه

شجاک انسیت یمدلل ولعنه

متی اتواصل

 گلب ذابل

 جسد ناحل

 دمع سایل

 حچی الباطل

 رمح شاتل

علی العاذل

ارید ادعی ابگلب ذایب ولعنه

او شجاک او غیر اطباعک علیه.

اعتذر من الخطاء .

جمع و تنظیم : الشاعر جاسم ثعلبی (الحسانی) 28/06/1393

انواع الشعر العربی

الف -الشعر النبطی التی مقیده بالوزن  و اقسامه :

1-بحور الاصلیه  2- بحور مبتکره  3 – بحر المروبع  4-  بحر القلطه  5- بحر الرجد  .

اقسام بحور الاصلیه : 1- الهلالی  2- الصخری  3- الحداء  .

اقسام البحر الرجد : 1- المسحوب   2- الهجینی  3- السامری  4- الفنون   5- العرضه   6- الجناس    7-  الزهیری  تم توضیحهن سابقاً .

انواع بحور الشعر العربی :  1- بحر الطویل   2- بحر المدید  3- بحر البسیط  4- بحر الوافر  5-بحر الکامل 6- بحر الهزج   7- بحر الرجز  8- بحر الرمل  9- بحر السریع  10- بحر المنسرح   11- بحر الخفیف 12- بحر المضارع  13- بحر المغتضب   14- بحر المجتث  15- بحر المتقارب  16- بحر المتدارک

ب- الشعر الشعبی وانواعه:

1-القصیده  2- العموری 3- الابوذیه و لها انواعها ( الابوذیه المطلقه – الابوذیه المقیده –الابوذیه المدوره – الابوذیه المنثوره- و تتقسم علی 35 طوراً)  4- الدارمی اسمه الثانی غزل البنات و له وزنین 5- الزهیری (الموال) 5- النصاری و له وزنین 6- الهوسات  7- النایلیو له وزنین وله توضیح لاحق 8-العتابه  9- الغزل و له انواع ( النسیب –الصریح –العذری ) 10- الرکبانی 12- بحر السریع 13- الجمله او نص 14- المذیل  15- الحدی  16- المیمر 17- العگیلی 18- التجلیبیه  19- الموشح  20- الشبکهه 21- یلسافرت  22- الطردی 23- النعی 24- المترادف 25- انا فتحنا 26- خایف علیهم 27- المنکل  28- الشیاله  29- الکصد 30- الهجینی 31- الغجری 32- عزیز الروح 33- الفائزی 34- ازریزر 35- المنسجم  36-یبن الحموله 37- خدری الچای 38- المفتون 39- البحرانی 40- الورد  41- المجرشه  42- الطویل 43- الشموس

الشعر الحدیث :

ج- قصیدة النثر : و انواعها .

1-الشعر المنثور   2- قصیده النثر   3- القصیده الحره  

شرح قصیر لقصیدة النثر :

تظهر الرومانتیکیه النامیه تبحث عن شکل افضل تطابقا مع التطلعات الجدیده من ناحیظ ذوق اکثر فاکثر وضوحا للاداب الاجنبیه و لا سیما الاغانی و القصاید و الموشحات الغنائیه الشعبیه

التی تضاعفت ترجمتها من ناحیه ثانیه استعدادا واراده ثوریه اکثر فاکثر وضوحا فیما یتعلق بشکل الشعر و لغته .

شاعر قصاید النثر الرومانسی الاستاد جبران خلیل جبران و الاستاد امین الریحانی و الاستاد الرافعی و الاستاد المنفلوطی و الاساتید الزیات و طه احسین.

و الاکثر شیوعا و شهره هی قصیده النثر .

تمیز قصیده النثر من الشعر الحر و غیره

کاصطلاح اکادیمی ترتکز علی اساسین :

1-ان قصیده النثر تعتمد الکتابه به الخطیه تماما کما النثر ام الشعر الحر فیکت کما الشعر الموزون

2-ان القصیده النثر تتوقف عند نهایه الجمله فی حین ان الشعر الحر یعمد الی قطع الجمله

د- القصیده الهرمیه مبدعها الشاعر جاسم ثعلبی الحسانی ایرانی اهوازی ابتدعها سنه 2014 میلادیه 21/11/1392 شمسیه و اسماها شعر الهرمی و نظم فیها اشعار فی اللغه العربیه و الفارسیه .

ما هی قصیده او شعر الهرمی؟

من اسمها معلوم قصیده اذ کتبتها تشبه شکل الهرم من بعید و شکل المثلث من قریب کما ان الهرم مکون من طبقات (شطراو بیت) تبتدی من الشطر او الطبقه العلی و تنتهی بالطبقه وهی القاعده للشعر .

اقل هرم له خمس شطور او مصا ریع و اکبر هرم للشعر لا نهایه له .

الهرم المکون من خمس طبقات او مصاریع او شطور یسمی هرم واحد خماسی خماسی بمعنی له خمس شطور و اذا الشعر اثنان هرمات و خمس شطور یسمی شعر هرم ثنایی مخمس و الی النهایه مثال . هرم واحد متسع .

ما اجیت ( قالب الشعر هرم  واحد )

ما اجیت

تذکر ابیوم الدویت

گلبک الدوانی و ابناری اشتویت

عذبتنی او مرمرتنی او سودنتنی او ما شچیت

قل لی یابه ابهل مهانه و الکراهه اشثمـــرة و اشحصلیت

صگد تکرهنی یظالم من بعید ابنار هجرک وسط قلبی هدفیت

اسئل العین المربیه قول للدمعه الحزینه صدقی لیلچ ما غفیت اتمرمریت

اتقبّل  ابرحلت حیاتی او ذکریاتی  وابسحینی النار تلهب بالگبر شب و  انچویت

روح ما اریدن اشوفک چنت شمس او تضوی عینی جبل من عارک حملته عذبت و اتعذبیت

فاذا الشعر الهرمی فی کل هرم له قافیه خاصه یسمی شعر هرمی مختلف القافیه و اذا قافیه واحد یسمی شعر هرمی  قافیه واحد او متحد القافیه  مثال ثانی .

ابیا خرایب : (هرم ثنایی- مسبع- مختلف القافیه)

استضعفتنی

فوگ مالی حلفتنی

الفاله بیدک حسّبت سمچه او صدتنی

اتسرسحت جرحی عمیق الخاطر الدم مددتنی

گول ما اریدک او جفی وین اجفی اتنقّص ابگلبی او خنتنی

اتچمّل او غرگان یمّک بیدی سمّک بالمصایب هددتنی او  غرگتنی

تدری ما عندی عمام او لا گرایب او لا حبایب  وین انّوی جوز منّی دهورتنی

ابیا خرایب

من عذابک گلبی ذایب

اطفال عید الحب لفاهه  و الحزن عم الحبایب

ما کو جنّه بس اکو ملک العذاب ایلم سحاب او حضنه غایب

سیفه یجرح ظلمه مسرح داره مسبح یا جماعه   ما رحم گص الگصایب

فسّریت الاف حلمه او راد اشمّه بالمذّمه و الطلایب و آنه سایب  یا وکت کلّک عجایب

اکله خنضل ذیله ابتر گلبه اسود شکله عنتر لیله صر صر بیده ورور  دردش ابگلبی المصایب

فی الشعر الهرمی کل طبقه او مصراع او شطر له قافیه متحده مع قوافی کل هرم من نظر القافیه یشبه الشعر الکلاسیکی و من نظر لا یتبع الوزن یشبه للشعر الحر

و شی مابین الشعر الکلاسیکی و الشعر الحر . المطالب قابله للنقاش بعد الانتقادات .

مثال ثالث .

ما اعوفک : 9 هرم ( هرم مخمس مختلف القافیه)

ما اعوفک

جیت متعنی اشوفک

یا بدر اتمنّی تنشر لی زلوفک

انت روعه او نجمه تزهی اوبالسماء السابع حروفک

سهرتنی او عمری خلّص بهذلتنی او مرمرتنی او سودنتنی اشلون اطوفک

یا حسافه

لفنی حضّی ابحلگ آفه

من صغر ما فرّحانی اتحمّلت کل هالمسافه

اگوم و اگعد و امشی و انشد یا مضیف اهل الضیافه

اتمرضیت ابلا طبابه الکل غرابه حتی جاری ما یدگ بابی مشافه

یا شچیه

لیش ما تسئل علیه

شنهی ذنبی تارکتنی لا صباح او لا مسیه

مرمرتنی خردلتنی عذبتنی یا حبیبی آنه اشبدیه

جوز منّی کبر سنّی لا تسمنی ابتعد عنّی حبک او گلبک اذیه

ما نی خایف

اهموم متنوعات شایف

ابرمش عینک وی جبینک گول طایف

ریت تعذرنی او تغادر خلنی اجلس بالصرایف

ما هو حب نار او جهنم  انت تندم حیل تندم و آنه عایف

ما اریدک

صرت ناری او ما افیدک

او چنت تترحبلی بس گلبی عضیدک

لا تبث رمز الصداقه لو تبث اعلم اصیّدک

جلدی یابس من عذابک و اضطرابک ما یدمرنی حریجک

یا دمار

ابدانه ترمی او گلبی ثار

من عرفتک و التقیتک نار نار

دوی متحمل خطابک چای قوری حار حار

خلنی جالس وحدی یابه عوفنی ابکوخی رمیه یا دمار ابهالدیار

یا مصیبه

فرگّت حب وی حبیبه

اتصنت الگلبی او غرامه وی نحیبه

و الستر تارک کلامی راح منّی امنین اجیبه

امطشره اهومی اعلی صدری حیف بس روحی غریبه

یا منیه

فرّت احبابی امن ادیه

دارت اعلی ارسوم جسمی هالکلاب الزهمریه

الدنیا ظلمه اصبحت بیه الغیری گمرا  اکل او اشرب اذیه

اتقربت لرسوم گبری الکفن یدری ضاگ صدری  الموت والدفنه هنیه

یا هلابک

رحبالی الموت کله من عذابک

شوف های آثار جرحی او نبت نابک

سنسلتنی ابدار ظلمه او تکتب او تنشر خطابک

لانی نایم گلبی هایم بللتنی او بالسماء مظلم سحابک

ابداع جدید من:

جاسم ثعلبی (حسّانی) 07/12/1392

الوزن فی الشعر الهرم مختار الشاعر فقط ان یطیل کل مصرع علی المافوقه

بتناسب خاص .

 هذا النوع من الشعر سهل جدا و یحتاج الی التمرین به حتی تجد مفتاحه بدون ای مساعده حاول تنجح .

و بسرعه یجلب الشاعر الی  تکمیل قصیدته بشرط ان یبدا بقافیه معروفه .

انتظر ردکم  و دمتم سالمین . اخیکم  جاسم ثعلبی  (حسّانی) 22/11/1392

نمونه من الشعر الهرمی فی اللغه الفارسیه

شعر در قالب هرم (عربی و فارسی) (دو هرم)

من می روم *

منقار تو کنده پرم /

آتش زدی  مویِ  سرم /

تو شهرِبی وفایی شاید مسکنم /

مرهم بگیرد زخم دل از آشنا بخیه ترم /

از این جهان و بد زبان از ناکسان دل می کنم /

فغان زدم داد خودم که باغ و کوچه ها شهودِ باورم/

کمک نبود از انس و جن فریادم آن صدای خفته در تنم/

دو مشتِ گندمِ رسیده دست روزگار پر دمار کوبیده شد تو هاونم/

موج زده هاشورِ غم دریای بی کران دل پوسیده شد از ریشه ها نیلو فرم/

دنیای بد نام هوس مچاله کرده شعر من با خنده ها با گریه ها از این فضا در به درم/

ای چون صنم/

دل بینوا مثلِ هرم/

دو لخته شد خو ن جگرم/

شکسته ام معکوسِ طیفِ محورم/

تو کاخ دلربایی را چو میله کنج سر ردم/

مرغ شدم رنگین کمان بی خانمان دل می خرم/

سنگِ صبورم ای جفا  به دل نما دو گنبد سبز حرم/

تو باغِ خنده های  شب چو غنچه ها  سرخم و زیبا پرورم/

اشکِ بهارِ تازه بار ناقوس مرگ و زندگی تو کشتی های شب نما هما فرم/

از خاطراتِ سرد تو بوی عذابم می دهد می خندم و می گریم و چو جغد شب ناله زنم/

کو یاورم ، مثلِ صنم ،  من می روم/

جاسم ثعلبی (حسّانی) 22/11/92

جمع و تنظیم : الشاعر جاسم ثعلبی (حسّانی) 27/06/1393