سفیر الحب

ابو ذیات مشاعرات لیلیه

احبکم و احب من حبکم و احبکم

و احب دایم احاچیکم و احبکم

انشتل گلبی اباسم ودکم و حبکم

ابگلبی ازهرت جنه امن الخویه

***

تکض بیدک گلب نیشان جالک

احبک واعتقد من زمن جالک

هدیت اکرام ضمه الصدر جالک

او خلنی ابلا گلب میهم علیه

***

هجم جیش الدهر ضرنی والی عال

او جمع صدقان عدوانی و الی عال

اویاه احثال شماتی و الی عال

احارب و الوکت مغضب علیه

***

هلا بالی گصدنه او من علینه

ابن ساده او سیاده او من علینه

الزمان ابسیفه دگه او من علینه

کسر سیف الزمان او جابه الیه

***

هم منکم حمل بالگلب مرنه

شفت بزمول همکم ورد مرنه

احارب بالاسف یا حیف مرنه

ابناکم عرس مریتوا علیه

***

الدهر سیطر علی بالحزن والوان

او عذابه اویای صاغ اشکال و الوان

یگلی شیل و ابعد علی والوان

ماریدن خیالک یمر بیه

***

دخّن ضیم گلبی من یمرنه

ضیف او طاع حبنه من یمرنه

اکیف للگصدنه من یمرنه

کرمته او صرت عنده المن وجیه

***

یلوم الما درک بالفلک  شبنا

شباب او من عذاب الدهر شبنا

طرح گلبی الالم یم حکم شبنا

الحکیم احتار من هم  العلیه

***

جاسم ثعلبی (حسّانی) 07/07/1393

الغیبه عاده امن النساء

ما تستحی امن اعیونی او تذمنی اهوای

مو انا السترتک من تشــــــگ ثوبک

جدام العدو تتفاخر ابطــــــــــروای

تکسّر باب گلبی او تخفــی بذنوبک

***

اشد من الزناء الغیبه طریق النار

السد السانه یمکن سِمَر خطواته

ابو الحسنین ذاکر صینه بالشدات

عاده امن النساء الیشتم طبع ذاته

***

بسّک لا تعانی او تهدر الصدقان

ادخل بالحِکم و اکسب معانیهــــا

اقراء اکتاب ربک و انشر الایات

ابیوم الکون طبعا تستعد بیـــها

***

الف صاحب قلیل او باشر الصدقان

العدو واحد کثیر اتهده لو ضافک

علمه ایسر ضمیرک یحترفلک مای

بارد لا یضرّک یشکر الطافـــــک

***

الغیبه النمنمه الفتنه طبع مــــــو زین

مثل النار داوی او یحرگ ابـــــــذاته

جوز امن الرذایل لا تذم بالــــــــناس

الیحچی اعلی الخلگ مسموعه کذباته

***

الناس اعلوم عدهه للیذم الغـــــــــیر

اذا یمک یذم صدقانه لیلــــــــــــیه

اعتقد باچر یذمک و انت صاحب ذات

او یذم عرضک یعارف میه بالمـــیه

***

اذا عاود صدیقک یجلی ناس ابنار

کض جدامه فهمه و اکشف اسراره

حتی لا یعاود طبعه بالغیــــــبات

معلم صیر یمه او قلل اخبـــــاره

***

ربک ما یضم جاعدله بالمرصـــــاد

ما مات الکذَب لما ابتلی الگــــــاله

یفضحه ابدنیته او دفنه سبع گامات

لان اذه البشر مو در در اخشــاله

***

جاسم ثعلبی (حسّانی) 07/07/1393

حب البادیه

حبیت سید العشیره و العیون یربن

طال الغیاب عنی و الدروب مطیره

اخاف الرحیل عناده والضعون یسرن

والعین تهمل و الدموع مغیره

***

حنا نخیم بالمرابع و السهول و الطیل

عربان ضیف الصحاری و الشات سهیره

حدو الابل مشط الرمال و السیل

عرس الحواری بانت و الجهود ذریره

***

یبعد علی العطشان می الزلال و البیر

بعد الحبیب اثر و الغموض طویله

ما نام قلبی فی الهموم والشیر

غابت شموس الخیر والامال ذلیله

***

افرض کلامی علی البدر فی اللیل

عتبی علی النجوم و ابطت سلامی

امطر غضب بالروح مسمار بالویل

ودیت من لا یعرف انغام کلامی

***

صوت الدراق یعلن الرحیل و السیر

ابعد کما ابعد ضی الهلال دراری

یرن فی قلبی حزین مشتاق تمریر

طبل الضبوح یدهس الجمال سماری

***

یا گلبی انسه الضیوف ویلات بالویل

انسه النساک و انسه الرماح محاری

مضروب مکتوف مسجون فی التیل

مشبوگ بالگصاید و الافکار ذواری

***

جاسم ثعلبی (حسّانی) 06/07/1393

هوسات عزاء (خمس هرمات) خماسی

اشلون اتشیل

انت الگلب وانت الحیل

ابجفاک اعیونی راحن والدموع اتسیل

انفجر گلبی، الحزن غصباً، تبعنی بالحباب  ایعیل

احترگت ابشیلة التابوت، سواد اهدومی اشرق، و التهمنی اللیل

ما هاجر طیبک، واسانه

***

اخذنی اویاک

ما احمل صعب فرگاک

مریض الدار گلبی، او ما صحا ابلیاک

طبیب الناس بافکارک، او جیت الیوم ارید ادواک

لا ترحل، تمهّل، خل تجی الغیاب، شگل للی تاخر، گلبه یتفداک

راح البیه هیبه، احزن گلبی احزن

***

الدهر مذموم

شتل عبره ابگلب مسموم

اخذ شیبة عمامه  او ما یکف میشوم

ابن بیت او عشیره او ما یهزه الریح، هاجر و السفر محتوم

ابو الطیبات، یسوا البچی او یسوا النوح، ما هادت عمامه، والوفاء مضموم

امعدل والله امعدل، ما یحچی ابشینه

***

اسمعوا زین

جیت الیوم اوفّی الدین

غازلنی  الشعر جرنی اعلی ابو الحسنین

ابحرب الطف علم عباس، راوانی الشجاعه ابگطعة الچفین

ما طخ للظلم و اتحنه بدمومه، وصل یومه، اورماح الکفر تتخاطف علی الصوبین

ما سلّم، شیال الرایه

***

رحل عبّاس

ظل یمه الدرع و الطاس

مطروح الجسد و اچّم جرح بالراس

مگطوع الچفوف، اسهام غدرت گلب ابو النوماس

هجم راعی الکلافه احسین، و ارخا العین، مثل لیث او غضب یا ناس

کض سیفه او حاد الچتاله

***

اول هوسات بغالب الهرم من ابداع الشاعر

جاسم ثعلبی (حسّانی) 06/07/1393

ابو ذیات لافتات

علیک اسئلت گلبی مالک انته

او سبب صوته او وطیته مالک انته

اذا طیفی او خیالی مالک انته

اشعله ابنار لیش ایخون بیه

***

یطالب لا تذم بالگلب لو مات

ولا تطرق دفن هوسات لو مات

السعد ما یرتجع للابد لو مات

علی الطیبین تتباچه الخویه

***

احبک واحب طاریک ودارک

واحب اشتم هوی انفاسک ودارک

الثریا ما تضم ذچرک و دارک

العمر فدوه لبو افعال الوفیه

***

شکل حجم الگلب من کبر صمّاک

طبیبه امن الرهیج اعتقد صمّاک

شرف یشفی الجسد و الحسد صمّاک

الصبر مفتاحه یطرد کل ردیه

***

جاسم ثعلبی (الحسانی) 05/07/1393

ابوذیات هدیه الی الاخ الاستاد ابوتوفیق فواد الشجیرات

فواد اسمک علی غالی و عالی

صدق گلبی او شرح حالی و عالی

مهد گلبک خطف بالی وعالی

کسر کاس الختم واشرف علیه

***

محبتک بالگلب ذابت ورابت

غصن کانت شجر صارت ورابت

قبل لا اعرف اوصافک ورابت

یابس کل کتر محزن علیه

***

بزغ نورک علینه من هوانه

و اشم عطرک ینسّم من هوانه

سئل کل من یودک من هوانه

اجبته ابروعه طارش مر علیه

***

الگلب من شافک اتبختر و رد لی

او شتلت ابصدقتک عنبر ورد لی

رساله اکتب عتب و ارسل وردلی

حیاتک منتظر صبح او مسیه

***

جاسم ثعلبی ( الحسانی)04/07/1393

جاورتک حبیب

احس رفّن اعیونی و الگلب تعبان

هم اترید تجرحنی او تدمینی

بسک بعد کافی الهجر والتعذیب

لبسنی الشیب مو واجب تحنینی

***

رکضت اویاک عمری بالحرب والدان

حرصت الحب سهرت ایامی باحلامی

شمرت المطر لا ینزل علیک اهوای

شمسیه صرت لک محمی بازلامی

***

اجیت اتوفی گلبی یالخنتنی ابللیل

جامع کل عمامک و الخدم حولک

طرقت الباب تتسمی اباخوا و ابجار

رکّست ابصلابه بالگلب فولک

***

خذتنی وحدی متالم و احس خجلان

عصّبت العیون ابقصد تاذینی

او کبست ایدی او رجلی اوشبگتنی اشباگ

اشعملت ابیا ذنب واترید تفنینی

***

مشیت اویاک طارش وینه حق الضیف

متحمل علیه او مکتفی ابزورک

حرام انسان یوگع للضرب ینهان

تعذیبک یظالم یحفر اگبورک

***

شوف الناس متطوره او تحش بالقیل

لا قال او کلافه الیندعی ابسدها

اخوان او عایشه او تکسب رضا المخلوق

اذن  یعطش  ضمیرک  من تساندها

***

بالک لا تفرق لا تدوس الصیت

الدنیا ماهی مملوکه الفرد واحد

اخرتک قریبه و الگبر مفتوح

اعمالک والاخلاق الینقبل ساعد

***

جاورتک حبیب او حسبت مامون

ختلت ابللیل صدت احلامی والغیره

او قفلت الباب حابسنی ابالم و ابخوف

الدهر ما یرحم احد تلگه  تفسیره

***

03/07/1393

هوسات مربعات

الحبر ما وضّحالک قصتی یالقاری

الورق غلّس علی ما یکتب اشعاری

القلم ما نومسانی  او یشعل ابناری

قلمت المرود بسنونی

او حبّرته من دمع اعیونی

و الناس اتصیح لامونی

ارسم واجفونی امدمایه

***

یا غیث او هلال اصبر علی کیفک

شد اعلی الکحیل اتحزم ابسیفک

وصل وکت البراز اتفاسر ابطیفک

شوف الحق یشّر بابهامه

ما یستانس یم اصنامه

مو اهل الدیره الغنامه

محچال ایطگ ما بیه شاره

***

الگلب بحر القوافی او بیدره الچلمات

گعد یحرگ سنانه او ما طفه هیهات

متوحش علیه ایغازل اهل الشات

عاتبته او ما طخ  لعتابی

ساجنی او ما احشم سابی

من یفشل گلی الارهابی

و امونه اتصیح ممتونه

***

الگمر زف الشمس و ایعاند النجمات

یرید الدنیا کلهه امن العدل والمات

زعل نجم الثریه او بیده دگ اثبات

رمل البر طبّر هم بیهه

واشجار الصحرا اتعازیهه

عطشانه او تطلب والیهه

و البیت اشتد ذم اهطاره

***

جاسم ثعلبی (الحسانی) 02/07/1393

هوسات علی الخوان المایفیدون

السبع لو یفرس فریسه ما یلم یمه الضباع

و الکراکس ما تهمه اشما صغر بیت السباع

همه عده ایشد له بنده او ما یفردش بالنخاع

متعلی او زوده ابضرعانه

***

الخوه عند اهل المراجل قصر مرمر ما یطیح

الخوه عد عباس اصلهه الگطعوا ایده او ما یصیح

الخوه مو مال او مطامع ابعدها عنک لا تبیح

من حاتم وصلت معلومه

***

الخوه تچایه لهلهه الخوه لو سارت صحیح

مو مثل دیک او یعوعی ایبوگ اخوه او یستریح

ابحیله و ایفردش عمامه یبچی ها ها من یطیح

یذکرها الکسروا ضرعانه

***

الخوه شمسیه او حرامی کلمن ایطشر العمام

قصدی اسباع   النشامه البالکلافه  الما تنام

مو مثل بعض اللشایش ابضیجک اتغنی مقام

طز بیهه او طز بالحامیهه ( حشاء السامع)

***

ارد انصحنک نصیحه صیر مرود واشفی عین

لا تجرک دعوة الذل لو دعاک امی او لعین

علی ابسیف الحق هدانه جمع کل باطل عجین

یخبز باحلامه ابمطاله

***

جاسم ثعلبی( حسانی) 30/06/1393

ابو ذیات نادرات

الدهر رمحه طعنی او طحت ویلاخ

اجانب هددونی او صحت ویلاخ

لا خلصنی امره الوکت و یلاخ

انتکلت اعلیک و انت اتخون بیه

***

اشمالک یا دهر عینک علی رد

عذاب اسنین چملته او علی رد

ابصبخه جرجرت جسمی او علی رد

او ترید اعلی الصریم اتضحی بیه

***

یعینی امن الدمع صبصبی و اشلای

جفونی الی اودهم سهو واشلای

اذا عندچ هتب حمّلی و شلای

او عوفی ادیارهم تذکار الیه

***

الکریم الله یدنیا اویاچ و ابلاچ

بلیتینی اببلاوی اهواچ وابلاچ

اببناچ ابجبر الفی اعلیچ و ابلاچ

مطیع اشرار  راوونی المنیه

***

جاسم ثعلبی (حسّانی) 30/06/1393