زواج الباطل
حرام اتصر علیهه او هیه ما تهواه
انزفّت و العذاب ابروعه یسگیهه
ابنیه او عدهه مستقبل تفکر فیه
تهلهل من کذب من خوف والیهه
***
حسافه اتّل بخت و اتحل غضب بانسان
مهضومه ابعرس سموهه فصلیّه
ما هو عرس لا صفگه و لا هوسات
احساب اسوار باگوه الحرامیه
***
وین اهل المضایف وین حجی افلان
وینه الضاگ گلبه امن العبودیه
عاده او سافرت ویه الرجیم الفات
بحلول العشایر فکره منسیه
***
الزاد الما تحبه اشلون تتمناه
تتناول غضب واتلج مع الهانک
یتیمه او گلب عدهه اتحب ورد معطور
مو لازم جبرها او تسن باسنانک
***
یا دین الکتب یا شرّع فسّر بیه
زواج الزور باطل لا تشرعونه
رسول الله یمنعه او حیدر الذماه
الیحب ورده ابحیاته لا تمنعونه
***
شدیت الفصل بیه رایة العباس
لا فرحانه امها او لا عشایرها
دم او لحم مثلک بس لطیفه اطباع
حوریه او جمیله ابغیره و استرها
***
ما حبت زواج او لا تحب اتگوم
بلکت شیخ عادل اسود ایشوفه
تهوم النحر لاکن تنطر الرحمن
تداوی اجروح حبها او طبعا اتعوفه
***
ما هو عرس ینعد مهزله او احزان
مر حنضل حلاة الشهد مگلوبه
اهل الزوج تذکر حادث المشهود
واهل البت تقر بحقوق مسلوبه
***
جاسم ثعلبی (حسّانی) 08/07/1393
:: بازدید از این مطلب : 2454
|
امتیاز مطلب : 31
|
تعداد امتیازدهندگان : 11
|
مجموع امتیاز : 11
عضو شوید
عضویت سریع
آمار مطالب
آمار بازدید
