تمنّیت انت اخوی او آنه اخولک
او علی کل شی ابوجودی آنه اخولک
خنت وابراسی طبره وآنه اخولک
ابتسمت ابوجهک او طفت المنیه
***
اخوی ابیوم ضیجی ما رحمنی(ما رحم بی)
الغیره الخوه قلبی ما رحمنی (ما اتمنی)
الف مره حمیتک ما رحمنی(مره احمنی)
فرد مره او جفیت ابلا وصیه
***
اخوی المارحمنی ما اریده (ما اریده)
و اذا یختاض منّی ما اریده ( ما ارده)
الصدق عطشان قلبی ما اریده ( ماء اریده)
یروی الروح وایورد الثنیه
***
اخوی الدار وجهه من یرده ( من یرجعه)
دعیته او عبد بیته من یرده ( منی رده)
یریت ابصوط اضربه من یرده ( من یریده)
و احططنله گلب من کل ردیه
***
اخوی الما فرش داره و دعنه ( دعانه)
مریده ابیوم سافرنه و دعنه( ودعا نه)
الصدیق ایحاول ایلمنه و دعنه( و یدعی لنا)
حشا السامع – وابن الزنا یخبص بالثنیه
***
مریض النام لیله او ترک خوان (اخوان)
او تبسّم للزمان او صار خوان ( خاین)
ما یذکر وجوده ابضیج خوان ( اخ وین)
وحید اصبح اخو خیته ابشچیه
***
الاخوا داره مضلمه ابغیر خوان (خوان)
او جراه الطمع والدهر خوان (خاین)
اذا طاح ابمصاب ایصیخ خوان( اخوی وین)
تضل عینه تجر دمع المنیه
***
الاخوا لا دام عمره ابدون خوان ( اخوان)
ولا لمّه البقت له ابحسد خوان ( بالخیانه)
یراویه الزمان احلام خوان ( خیانه)
یصیر الصبح وایقول اشبدیه
***
اخیک العود دبّسله و حیله ( حیی به)
او زیل ارکاد کل شکّه و حیله ( حیلته)
اذا اذاک ساندله وحیله ( انتظره)
یجی یوم ایتمرحب بالثنیه
***
جاسم ثعلبی (حسّانی) 20/12/1392
:: بازدید از این مطلب : 2108
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
