عتاب مع العید
یا عید دارت سنه او مرمرت دلالی
شالوا احباب الگلب و الصوره تبرالی
لو طاوعت وارحلت تابعهم اشوالی
بالذکریات احتلم و امغیّر احوالی
***
یا عید طوف الفرح کل دربه سدیته
شال النحبه او بعد مکتوبه حرگیته
منعیته من السفر چم مره منعیته
اتذکرنی گلبی انفطر و ابذکره جرحیته
***
یا عید خلنی ابفکر بالک تماسینی
عالوادعونی او جفوا بالک تدلینی
خلینی وحدی احترگ بالک تطفینی
من جرح گلبی اعتذر بالک تحنینی
***
یا عید دگ التفگ و الناس فرحانه
و احنه غدرنه الوکت متگاوم اویانه
حگنه الحزن و الالم والتعب ملانه
ازهی ابقصور الثری بالک تجی احذانه
***
یا عید عوف الزمن و اتبع هوی الغرگان
من یا سفینه انغدر ابطن البحر عطشان
عاف الدیار او هجر و ابیا سبب زعلان
یا وسفه ابعد علی و الشوفته ولهان
***
یا عید لیش الوکت اظلم علی داری
لیل او نهار التهب ما تنطفی ناری
ملتنی کلهه الخلگ و اسمع هذر جاری
بهمومی اشرب حرن او بیه الحزن ساری
***
یا عید لا تعتذر عندی وصیه اویاک
ابعث سلامی ابعجل للشالوا اترجاک
مثل الهوا بالفضاء بس اسرع ابممشاک
لو تعّباک السفر گله الگلب یهواک
***
یا عید کف العتب و ادعیلی باحلامی
الحد من ابوادی الدهر گلبی یضل ضامی
لیلی سهرته ابفکر یا عینی بس نامی
ملانی حتی السهر و السهر بانغامی
***
جاسم ثعلبی (حسّانی) 12/07/1393
:: بازدید از این مطلب : 1998
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
