دارمیات و الغاز الحسانی الساری
(حبله اصبحیت ابتوم عمری اثنعش عام
رجلی ابن اخوی ایصیر و ابشرع الاسلام)؟
فهمیت اخوچ ایصیر ما رضعته امـــچ
من مرت ابوچ الزوج ابن ابنه سرچ
یمطر مطر وایزید وفره علـــــــیه
صک الجسم والروح ثلجه المنیه
ولدت فرخ بل بید ماعدهه رجــــــــال
حبلت و وضعت بیه من دمها ما سال؟
هم شفت هم سمعیت زوجه و اخوها
تتزوج ابمرضات امهه و ابوهـــــــــــا؟
طایر واله جنحان من ربه موعود
بل دنیه ما تلگاه ما منه موجود؟
کل ساعه ابوسه حیل و ابشفته احبه
اخر مصیصی اویاه ادوسه واذبــــــــه؟
امه جنسها غیر و ابوها من غیر
یتکمل ابممشاه شکلینه و ایسیر؟
نوبه شباب ایصیر نوبه یشیب
اول وکت فرحان آخر یخیب؟
اکره ثلاث اطباع ماناسی همهن
الغیبه والچذاب و الزانی منهن
شنهی الیشیل ابلام او ما مل حملهن
لو یحمل ابره ابساع یعسر زملهــــــن؟
تایه ابدرب الشوگ تالیتک اتموت
اصبر علی الصعبات لحظاتک اتفوت
شکله عجب بلوان فرخه یصــیح
لو تنشده اعلی الیوم نوحه یریح؟
طویل القامه یمشی دور ما دوار
لا عده رجل لا اید لا منگار؟
یحمل سنه مرتین الاف الاطفــــــال
کل سنه یبگه اطلوگ شهرینه سربال؟
یزهی او یعدل الناس کلهه ابحضوره
لو ینگص ابتقریب الخلقه ابخطوره؟
الدنیه هیچی اویاه او دینه عجایـــــــب
لا یقبل الحگ وین او من ربعه غایب؟
ایکه صفیت اهناه او حبی فقــــــــدته
شهرین اضل بل نوح موتی انه شفته
جاسم حسن ویاک هایه اعلومه
حسانی یشعر دوم حگه لتلومـــه
من الشاعر جاسم امحمد الجبیره الحسانی الساری
26/11/1390
:: بازدید از این مطلب : 4127
|
امتیاز مطلب : 8
|
تعداد امتیازدهندگان : 2
|
مجموع امتیاز : 2
عضو شوید
عضویت سریع
آمار مطالب
آمار بازدید
